images

May 23 2024 | २०८१, जेठ १० गते

फेरि १० अर्ब रूपैयाँ आन्तरिक ऋण उठाउँदै सरकार

फेरि १० अर्ब रूपैयाँ आन्तरिक ऋण उठाउँदै सरकार

एभरेष्ट हेडलाइन्स
शुक्रबार, साउन २६ २०८०
एभरेष्ट हेडलाइन्स
शुक्रबार, साउन २६ २०८०
  • फेरि १० अर्ब रूपैयाँ आन्तरिक ऋण उठाउँदै सरकार

    काठमाडौं । सरकारले फेरि १० अर्ब रूपैयाँ आन्तरिक ऋण उठाउँदैछ । ८ वर्ष अवधिको विकास ऋणपत्र २०८८ ‘ख’ मार्फत १० अर्ब आन्तरिक ऋण उठाउन लागेको नेपाल राष्ट्र बैंकले जनाएको छ । यो ऋणपत्र साउन २८ गते दिउँसो ३ बजे बोलकबोल हुनेछ ।

    images
    images

    ऋणपत्र साउन २९ गते निष्कासन हुनेछ । बोलकबोलबाट निर्धारण हुने ब्याज अर्धवार्षिकरूपमा भुक्तानी हुनेछ । प्रतिस्पर्धी र अप्रतिस्पर्धी बोलवालाहरूलाई क्रमशः निष्कासित रकमको ८५ र १५ प्रतिशत अर्थात साढे ८ अर्ब र साढे ५ अर्ब छुट्याइएको छ । अप्रतिस्पर्धी बोलवालाहरूलाई छुट्याइएको रकमको लागि पूरा बोल प्राप्त नभएमा बाँकी हुन आउने रकम प्रतिस्पर्धी बोलवालाहरूलाई बिक्री गरिनेछ ।

    अप्रतिस्पर्धी बोलवालाहरूलाई छुट्याइएको रकमभन्दा बढी रकमको बोल प्राप्त हुन आएमा बोलवालाहरुलाई समानुपातिकरूपमा उक्त ऋणपत्रको रकम बाँडफाँट गरिने केन्द्रीय बैंकले जनाएको छ ।

    यसअघि पनि साउन १८ गते जारी गरेको १० अर्ब विकास ऋणपत्रमा ४ अर्ब १६ करोड रूपैयाँमात्र उठेको थियो । यो पटक सरकारले आर्थिक वर्षको सुरूबाटै आन्तरिक ऋण उठाइरहेको छ । निर्माण व्यवसायीको भुक्तानी दिन नसकेको सरकारल ऋण उठाएर खर्च जोहो गरिरहेको छ ।

    प्रतिक्रिया दिनुहोस
    ताजा अपडेट
    ट्रेन्डिङ
    सम्बन्धित समाचार

      ताजा अपडेट