बीपीपछिको सबैभन्दा ठूलो समाजवादी चिन्तक प्रदीप गिरी– देउवा 

बीपीपछिको सबैभन्दा ठूलो समाजवादी चिन्तक प्रदीप गिरी– देउवा 

नेपाली कांग्रेसका सभापति शेरबहादुर देउवाले स्वर्गीय प्रदीप गिरी कांग्रेसका संस्थापक नेता बीपी कोइरालापछिका ठूलो समाजवादी चिन्तक रहेको बताएका छन् । 

केन्द्रीय कार्यालय सानेपामा आयोजित गिरीको पहिलो स्मरण सभामा बोल्दै देउवाले उनी कहिल्यै पनि नथाक्ने नेता भएको बताए । 

‘प्रदीप गिरी ठूलो समाजवादी चिन्तक हो । बीपीपछि कसैको नाम आउँछ भने उहाँ (गिरी) कै आउँछ,’ देउवाले भने, ‘उहाँ कहिल्यै नथाक्ने व्यक्ति हुनुहुन्थ्यो । उहाँका विचार, चिन्तन, लेख र कृतिहरूबाट पार्टीले सधैं लाभ उठाउन सक्छ । यसैले उहाँका कृतिहरू पार्टीले प्रकाशन गर्नुपर्छ ।’ 

पार्टीलाई सत्मार्गमा अग्रसर गराउन गिरीका विचार सधैं सान्दर्भिक हुने पनि देउवाले बताए ।