बेकोले ल्यायो दसैँ विशेष उत्सव योजना, 'यो दसैँ, हरेक पलमा खुसीको साथ'
बेकोले ल्यायो दसैँ विशेष उत्सव योजना, 'यो दसैँ, हरेक पलमा खुसीको साथ'
दसैँमा घरायसी उपकरण खरिदमा उपहार, क्यासब्याक र सहज किस्ता सुविधा
काठमाडौं । नेपालीहरूको महान् चाड दसैँलाई लक्षित गर्दै विश्वप्रसिद्ध घरायसी उपकरण ब्रान्ड बेको (Beko)ले विशेष उत्सव योजना 'यो दसैँ, हरेक पलमा खुसीको साथ' सार्वजनिक गरेको छ। यस योजनाअन्तर्गत उपभोक्ताले बेकोका विभिन्न घरायसी उपकरण खरिदमा आकर्षक उपहार, क्यासब्याक तथा सहज खरिद सुविधाहरू प्राप्त गर्न सक्नेछन्। यो विशेष योजना भदौ २६ गतेदेखि सीमित अवधिका लागि लागू गरिएको छ।
यस विशेष योजनामा बेकोका रेफ्रिजरेटर, वासिङ मेसिन, डिशवासर, एयर कन्डिसनर तथा फ्री स्ट्यान्डिङ ओभनलगायतका उत्पादनहरू समावेश छन्। योजनाअन्तर्गत वासिङ मेसिन खरिदमा ६ केजी सर्फ एक्सेल, डिशवासर खरिदमा दुई थान वासिङ ट्याब्लेट, फ्री स्ट्यान्डिङ ओभन खरिदमा प्रेसर कुकर तथा डबल डोर रेफ्रिजरेटर खरिदमा इलेक्ट्रिक केटल निःशुल्क प्रदान गरिनेछ। साथै, एयर कन्डिसनर खरिदमा निःशुल्क इन्स्टलेसन सुविधा उपलब्ध हुनेछ। यसका अतिरिक्त उपभोक्ताले रु. ३०,२०० सम्मको क्यासब्याक तथा शून्य प्रतिशत ब्याजदरमा किस्ता (EMI) सुविधा पनि प्राप्त गर्न सक्नेछन्। बेकोले आफ्ना उत्पादनहरूमा शतप्रतिशत पार्ट्स उपलब्धता तथा सर्भिसको सुनिश्चिततासँगै १२ वर्षको मोटर वारेन्टीसमेत प्रस्तुत गरेको छ।
दसैँको अवसरमा परिवारसँग बिताइने हरेक पललाई अझ सहज र खुसीमय बनाउने उद्देश्यले बेकोले यो विशेष योजना ल्याएको हो। आधुनिक प्रविधि, आकर्षक डिजाइन र उपयोगी सुविधासहितका घरायसी उपकरणमार्फत उपभोक्ताको दैनिक जीवनलाई सहज बनाउँदै चाडपर्वको खुसीमा साथ दिने ब्रान्डको विश्वास रहेको छ।
विश्वव्यापी रूपमा घरायसी उपकरण उत्पादन तथा बिक्री गर्दै आएको बेकोले नवीनतम प्रविधि र उपभोक्तामैत्री उत्पादनमा जोड दिँदै आएको छ। चौधरी ग्रुपअन्तर्गतको सीजी इलेक्ट्रोनिक्सले नेपालमा बेकोका उत्पादनहरू उपलब्ध गराउँदै आएको छ, जुन नेपालभरिका सीजी इलेक्ट्रोनिक्सका आधिकारिक डिलर नेटवर्क, शोरुम तथा सीजी डिजिटल प्लेटफर्ममार्फत पाइन्छन्। उपभोक्ताले आफ्नो परिवारको आकार, घरायसी आवश्यकता र जीवनशैलीअनुसार विभिन्न मोडल छनोट गर्न सक्नेछन्। कम्पनीले आधुनिक प्रविधियुक्त, ऊर्जा दक्ष तथा उपभोक्तामैत्री उत्पादनहरूमार्फत नेपाली ग्राहकहरूको आवश्यकता पूरा गर्दै आइरहेको छ।
