नक्कली शरणार्थी प्रकरणमा सचिव टेकनारायण पाण्डेसहित १० जनाको सुनुवाइ सकियो

नक्कली शरणार्थी प्रकरणमा सचिव टेकनारायण पाण्डेसहित १० जनाको सुनुवाइ सकियो

नक्कली भुटानी शरणार्थी प्रकरणमा उच्च अदालत पाटनमा १० जनाको सुनुवाइ सकिएको छ । 

निलम्बित सचिव टेकनारायण पाण्डे, तत्कालीन गृहमन्त्री रामबहादुर थापा बादलका पूर्व सुरक्षा सल्लाहकार डा. इन्द्रजित राई, नरेन्द्र केसी, सानु भण्डारी, आङटावा शेर्पा, हरिभक्त महर्जन, लक्ष्मी महर्जन, सन्देश शर्मा, शम्शेर मिया र गोविन्द चौधरीको निवेदनमाथि सुनुवाइ सकिएको छ । 

उच्च अदालत पाटनका न्यायाधीशद्वय हरिप्रसाद पौडेल र किरणकुमार पोखरेलको इजलासमा पाण्डेसहित थुनामा रहेका १० जनाको सुनुवाइ सकिएको हो ।  

काठमाडौं जिल्ला अदालतले थुनामै राखी मुद्दाको पुर्पक्ष गर्ने भनी दिएको आदेशविरुद्ध उनीहरू उच्च अदालत पुगेका थिए ।