संसद बैठकअघि रणनीति बनाउन विपक्षी दलहरू छलफलमा
संसद बैठकअघि रणनीति बनाउन विपक्षी दलहरू छलफलमा
एभरेष्ट हेडलाइन्स
एभरेष्ट हेडलाइन्स
काठमाडौँ । प्रतिनिधिसभाको बैठकअघि विपक्षी दलहरू छलफलमा जुटेका छन् । मंगलबार संसद बैठकअघि संसद भवन नयाँ बानेश्वरमा प्रमुख प्रतिपक्षी दलका नेता माओवादी केन्द्रका अध्यक्ष पुष्पकमल दाहाल प्रचण्डको कार्यकक्षमा विपक्षी दलका नेताहरू छलफलमा जुटेका हुन् ।
विपक्षी दलको बैठकमा राप्रपालाई भने बोलाइएको छैन । राजसंस्था पुनर्स्थापनाको आन्दोलनमा सहभागी रहेकाले राप्रपालाई विपक्षी दलको बैठकमा नबोलाइएको हो ।
बैठकमा माओवादी, रास्वपा, एकीकृत समाजवादी, नेसपालगायत दलका नेताहरू सहभागी छन् । विपक्षी दलहरूले भिजिट भिसा प्रकरणमा गृहमन्त्री रमेश लेखकको राजीनामा माग गर्दै लगातार संसदमा अवरोध गर्दै आएका छन् ।
यसअघि सोमबार सिंहदरबारमा सदनको गतिरोध हटाउने विषयमा प्रधानमन्त्री केपी शर्मा ओलीले कांग्रेस सभापति शेरबहादुर देउवा र माओवादी केन्द्रका अध्यक्ष प्रचण्डसँग छलफल गरेका थिए ।
