शीतल निवासमा राष्ट्रपति, प्रधानमन्त्री कार्की र ओलीसहित शीर्ष नेताबीच भेटवार्ता जारी
शीतल निवासमा राष्ट्रपति, प्रधानमन्त्री कार्की र ओलीसहित शीर्ष नेताबीच भेटवार्ता जारी
एभरेष्ट हेडलाइन्स
मंगलबार, पुस ८ २०८२
एभरेष्ट हेडलाइन्स
काठमाडौँ। राष्ट्रपति रामचन्द्र पौडेलले देशका मुख्य राजनीतिक दलका ३ जना शीर्ष नेतासहित प्रधानमन्त्रीसँग छलफलमा गरिरहेका छन् ।
राष्ट्रपति पौडेलको पहलमा राष्ट्रपति कार्यालय शीतल निवासमा हाल प्रधानमन्त्रीसहित प्रमुख ३ दलका शीर्ष नेताबीच छलफल सुरु भएको हो।
छलफलमा प्रधानमन्त्री सुशीला कार्कीसहित नेपाली कांग्रेसका सभापति शेरबहादुर देउवा, नेकपा एमालेका अध्यक्ष केपी शर्मा ओली र नेपाली कम्युनिष्ट पार्टीका संयोजक पुष्पकमल दाहाल सहभागी रहेका छन् ।
कार्की प्रधानमन्त्री बनेपछि शीर्ष नेतासँगको यो पहिलो भेट हो।
जेनजी आन्दोलनको बलमा प्रधानमन्त्री बनेकी कार्कीले शीर्ष नेताको मुख हेर्न नचाहेको सार्वजनिक अभिव्यक्ति नै दिएकी थिइन् ।
अहिले राष्ट्रपति पौडेलको पहलमा उनले प्रत्यक्ष संवाद गरिरहेकी छन् ।
