सुदन किराँती वा अमनलाल माेदीकाे मन्त्री पद जाँदै

सुदन किराँती वा अमनलाल माेदीकाे मन्त्री पद जाँदै

काठमाडौँ । सीके राउतकाे जनमत पार्टीलाई सरकारमा सहभागी गराउनका लागि नेकपा माओवादी केन्द्रका एकजना मन्त्रीलाई फिर्ता बाेलाइने भएकाे छ । 

नेपाली का‌ंग्रेसले आफ्नाे दलका मन्त्री फिर्ता बाेलाउन पहल नगरेपछि दवावमा परेका प्रधानमन्त्री दाहालले माओवादीबाट पर्यटनमन्त्री बनेका सुदन किराँती वा सामान्य प्रशासनमन्त्री अमनलाल मोदीमध्ये एकलाई फिर्ता बोलाउने तयारी गरेका छन् ।  

मन्त्रिपरिषद् हेरफेरबारे निर्णय लिन सत्तारूढ दल नेकपा माओवादी केन्द्रको पदाधिकारी बैठक प्रधानमन्त्री निवास बालुवाटारमा बसेको छ । 

पारिवारिक भेटघाटका लागि गृहजिल्ला चितवन पुगका प्रधानमन्त्री प्रचण्ड काठमाडौँ फर्किएलगत्तै पदाधिकारी बैठक बसेको प्रधानमन्त्रीको सचिवालयका एक सदस्यले जानकारी दिए । 

यसअघि जनमत पार्टीले अनिताकुमारी साहलाई मन्त्री बनाउन सिफारिस गरिसकेको छ ।