सन्दीपविरुद्धको मुद्दामा आज पनि भएन सुनुवाइ, एसिया कप खेल्न भोलि पाकिस्तान जाँदै 

सन्दीपविरुद्धको मुद्दामा आज पनि भएन सुनुवाइ, एसिया कप खेल्न भोलि पाकिस्तान जाँदै 

काठमाडौँ । नेपाली राष्ट्रिय क्रिकेट टिमका लेग स्पिनर सन्दीप लामिछाने एसिया कप खेल्न भोलि सोमबार पाकिस्तान जाने भएका छन् । सन्दीपविरुद्धको बलात्कारको मुद्दा पेसीमा चढे पनि अन्तिममा हेर्न नभ्याइनेमा परेको कारण उनी भोलीनै पाकिस्तान जाने भएका हुन् ।

जिल्ला अदालत काठमाडौँमा विचारधीन रहेको उनीमाथिको बलात्कार आरोपको मुद्दा आइतबार हेर्न नभ्याइएका कारण उनको पेशी भदौ २१ गतेलाई सरेको छ । सन्दीपविरुद्धको मुद्दा पटक पटक स्थगित हुँदै आएको छ । उनले एक नाबालिकलाई बलात्कार गरेको आरोपमा अदालतमा मुद्दा चलिरहेको छ । आजको पेसीकै कारण सन्दीप एसिया कप खेल्न पाकिस्तान गएका थिएनन् । 
पेशी सरेपछि सन्दीप भोलि नै एसिया कपका लागि पाकिस्तान जाने भएका छन् ।