विश्वकप फुटबल हेर्ने अवसर: इनड्राइभको राइडसँगै डीजीओ सिजन पासमा छुट

विश्वकप फुटबल हेर्ने अवसर: इनड्राइभको राइडसँगै डीजीओ सिजन पासमा छुट

काठमाडौं, नेपाल । इनड्राइभ नेपालले नेपालमा विश्वकप फुटबल सामग्रीको आधिकारिक प्रसारणकर्ता तथा डिशहोमको डिजिटल स्ट्रिमिङ प्लेटफर्म– डीजीओ (DGO) सँग साझेदारी गर्दै ‘विश्वकप फुटबल २०२६ राइड एन्ड विन’ क्याम्पेन सार्वजनिक गरेको छ । विश्वकै सबैभन्दा ठूलो फुटबल प्रतियोगिता हेर्न चाहने नेपाली समर्थकहरूलाई लक्षित गर्दै यो क्याम्पेन सञ्चालनमा ल्याइएको हो । 

क्याम्पेन १६ जुनदेखि १८ जुलाई २०२६ सम्म चल्नेछ। दैनिक यात्रालाई डिजिटल मनोरञ्जनसँग जोड्दै नेपाली फुटबलप्रेमीहरूको विश्वकप हेर्ने अनुभवलाई थप सहज र रोचक बनाउने यो क्याम्पेनको उद्देश्य रहेको छ। यस सहकार्यअन्तर्गत योग्य इनड्राइभ प्रयोगकर्ताले डीजीओको फुटबल सिजन पासमा विशेष छुटका साथै निःशुल्क स्ट्रिमिङ भाउचर जित्ने अवसर पनि पाउनेछन्, जसको माध्यमबाट उनीहरूले मोबाइलबाटै प्रत्यक्ष विश्वकप खेल हेर्न सक्नेछन्।

नेपालमा फुटबल सबैभन्दा लोकप्रिय खेलहरूमध्ये पर्छ। खासगरी अन्तर्राष्ट्रिय स्तरका ठूला प्रतियोगिताले देशभरका दर्शकको ध्यान उल्लेख्य रूपमा तानेका छन्। विश्वकप २०२६ का अधिकांश खेल उत्तर अमेरिकी समयअनुसार हुने भएकाले नेपालमा ती खेल बढीजसो मध्यरात वा बिहानतिर प्रसारण हुनेछन्। यसैले प्रत्यक्ष खेल हेर्न चाहने समर्थकका लागि डिजिटल तथा मोबाइल स्ट्रिमिङ प्लेटफर्म नै प्रमुख विकल्प बन्ने अनुमान गरिएको छ।

राइड–हेलिङ सेवा र खेलकुद स्ट्रिमिङको अनुभवलाई एकैसाथ जोड्दै इनड्राइभ र डीजीओले विश्वकै सबैभन्दा प्रतीक्षित खेलकुद प्रतियोगितामध्ये एकको अवसरमा आफ्ना प्रयोगकर्तालाई थप मूल्य दिने लक्ष्य लिएका छन्।

क्याम्पेनअन्तर्गत एक साताभित्र इनड्राइभमार्फत कम्तीमा एक राइड पूरा गर्ने जुनसुकै प्रयोगकर्ताले डीजीओ फुटबल सिजन पास खरिदमा १० प्रतिशतसम्म छुट पाउनेछन्। त्यसैगरी, एक साताभित्र तीन वा बढी राइड पूरा गर्नेहरू स्वचालित रूपमा र्याफल ड्रमा समावेश हुनेछन्, जहाँबाट छानिएकाले निःशुल्क डीजीओ फुटबल सिजन पास जित्न सक्नेछन्।

क्याम्पेन अवधिभर कुल २,५०० वटा डीजीओ फुटबल सिजन पास भाउचर वितरण गरिनेछ । पाँच सातासम्म प्रत्येक साता करिब ५०० वटा भाउचर उपलब्ध गराइनेछ, जसले हजारौं फुटबल समर्थकलाई डीजीओमार्फत प्रत्यक्ष विश्वकप फुटबल प्रसारण हेर्ने अवसर प्रदान गर्नेछ ।

इनड्राइभ नेपालकी कन्ट्री रिप्रेजेन्टेटिभ रिता पोखरेलले भनिन्, “फुटबलमा मानिसहरूलाई एक ठाउँमा जोड्ने विशेष क्षमता हुन्छ, र विश्वकप फुटबल विश्वभरका लाखौं दर्शकको ध्यान एकैसाथ केन्द्रित गर्ने केही सीमित विश्वव्यापी प्रतियोगितामध्ये एक हो । डीजीओसँगको साझेदारीमार्फत हामीले आफ्ना प्रयोगकर्तालाई पुरस्कार प्रदान गर्नुका साथै उनीहरूलाई आफ्ना मनपर्ने खेल र अविस्मरणीय क्षणसँग जोडिराख्ने अभियान ल्याएका हौँ ।” 
 
डीजीओका चिफ अपरेटिङ अफिसर रोशन निरौलाले भने, “आजका फुटबल समर्थकहरूले खेल हेर्ने माध्यममा लचिलोपन र सहज पहुँचको अपेक्षा गर्छन् । नेपालमा विश्वकप फुटबल प्रसारणको आधिकारिक डिजिटल प्लेटफर्मका रूपमा हामी गुणस्तरीय फुटबल मनोरञ्जन अझ धेरै दर्शकमाझ पुर्याउन प्रतिबद्ध छौँ । इनड्राइभसँगको सहकार्यले हामीलाई नयाँ तथा रोमाञ्चक तरिकाबाट समर्थकहरूसँग जोडिने अवसर दिएको छ भने उनीहरूको दैनिक गतिविधिलाई प्रत्यक्ष प्रतियोगिता हेर्ने अवसरसँग जोडेर पुरस्कृत गर्ने माध्यम पनि बनेको छ ।” 
 
‘विश्वकप फुटबल २०२६ राइड एन्ड विन’ क्याम्पेनले नेपालभर साझा रूपमा रहेको फुटबलप्रतिको उत्साहलाई उत्सवका रूपमा मनाउँदै उपभोक्तालाई थप लाभ प्रदान गर्न विभिन्न ब्रान्डहरूले कसरी सहकार्य गर्न सक्छन् भन्ने उदाहरण प्रस्तुत गरेको छ ।