डुँगाबाट मलेसिया पलायन भइरहेका २३ राेहिंजाकाे समुद्रमा मृत्यु

डुँगाबाट मलेसिया पलायन भइरहेका २३ राेहिंजाकाे समुद्रमा मृत्यु

म्यान्मा (बर्मा) यखाइँ राज्यबाट भागेर गएका २३ रोहिंजाकाे डुंगा पल्टेर मृत्यु भएकाे छ । म्यान्माकाे यखाइँ राज्यकाे राजधानी सित्वे र बंगलादेशमा शरणार्थी भएर बसेका राेहिंजाहरु डुँगा चढेर मलेसियातर्फ जाँदै गर्दा दुर्घटनामा परेका हुन् ।

साे घट्नामा अन्य तीस जना अझै बेपत्ता रहेकाे बताइएकाे छ । घट्नामा आठ जना बाँचेको रिपोर्ट गरिएको छ।

५० भन्दा बढी यात्रु बोकेको डुङ्गा पल्टिएर आइतवार चालक दलले छाडेर मलेसिया पुग्ने प्रयास गरिरहेको बाँचेकाहरूले बताएका छन्।

हरेक वर्ष हजारौं रोहिंजाहरूले मलेसिया वा इन्डोनेसियाको खतरनाक समुद्री यात्रा गर्ने प्रयास गर्दै आएका छन् । 

 ज्यान गुमाउनेमा १३ महिला १० पुरुष, सबै रोहिंजा मुस्लिम छन् । मुस्लिम रोहि‌ंजाहरू बौद्ध बहुल म्यान्मामा अल्पसंख्यक जातीय समुदाय हुन्। जुन्ता सेनाले सुरु गरेको नरसंहारको अभियानबाट बच्न  अधिकांश राेहिंजाहरु २०१७ मा बंगलादेश गएका थिए। म्यान्मामा बाँकी रहेकाहरू पनि सन् २०२१ मा सैनिक विद्रोहपछि भाग्न खोजिरहेका थिए ।