निर्माण व्यवसायीहरुको आन्दोलनप्रति नेपाल उद्योग वाणिज्य महासंघको ऐक्यवद्धता

निर्माण व्यवसायीहरुको आन्दोलनप्रति नेपाल उद्योग वाणिज्य महासंघको ऐक्यवद्धता

काठमाडौं ।  नेपाल उद्योग वाणिज्य महासंघको सदस्य नेपाल निर्माण व्यवसायी महासंघद्वारा जारी आन्दोलनप्रति महासंघले एक्यवद्धता जनाएको छ ।

कूल गार्हस्थ उत्पादनमा ठूलो योगदान रहेको निर्माण क्षेत्रका जायज माग सुनुवाइमा भैरहेको ढिलाईले निर्माण मात्र नभइ अर्थतन्त्रमा नै समस्या पर्ने देखिएको महासंघले उल्लेख गरेको छ ।  

व्यवसायीले निर्माण कार्य सम्पन्न गरेपनि भुक्तानी नहुँदा वित्तिय प्रणाली र समग्र अर्थतन्त्रमा नै नकारात्मक प्रभाव परेको हुँदा त्यसतर्पm सरकार सम्वेदनशील हुनु जरुरी रहेको महासंघले विज्ञप्तिमार्फत जनाएको छ ।

बिकास निर्माण र सर्वसाधारणको जीवन यापनसँग समेत जोडिएका परियोजना रोकिंदा सरकारको पूँजीगत खर्च पनि हुन नसकेको महासंघको भनाइ रहेको छ । यसले गर्दा जनताले पनि सुविधा पाउन नसकेको उल्लेख गरिएको छ। महासंघले भनेको छ, ‘गत बर्ष पूँजीगत खर्च जम्मा ६१ प्रतिशत भएको छ । यसले राष्ट्रिय अन्तराष्ट्रियस्तरमा पनि सकारात्मक सन्देश गएको छैन ।’

महासंघले निर्माण, उद्योग र थोक व्यापार नकारात्मक रहँदा अर्थतन्त्र मन्दीमा गएको छ भने यसबाट बैंक वित्तिय संस्था, सिमेन्ट, छड जस्ता निर्माण सामाग्री उत्पादक र सरकारको राजश्वमा पनि गम्भीर असर परेको जनाएाके छ । राजस्व १३ प्रतिशतले घटेको र उद्योगहरू करिब ३० देखि ३५ प्रतिशत क्षमतामा मात्र चलिरहेको पनि महासंघको भनाइ रहेको छ ।