टाेखा–तारकेश्वरमा गैरकानुनी रुपमा बालुवा चाेरी निकासी

टाेखा–तारकेश्वरमा गैरकानुनी रुपमा बालुवा चाेरी निकासी

काठमाडाैंकाे टाेखा नगरपालिका र  तारकेश्वर नगरपालिकाका सीमामा रहेकाे साङ्ले खोलामा अनधिकृत रुपमा बालुवा उत्खनन् गर्ने क्रम चलेकाे छ । 

करिडोरको इन्द्रायणी पुलदेखि माथी भत्केको पुलसम्म दर्जनौ ठाउँबाट अनधिकृत रुपमा बालुवा उत्खनन भइरहेकाे हाे । 

खुलमखुला रुपमा गैरकानूनी रुपमा बालुवा निकाली बेचविखन भइरहँदा पनि सराेकारवाला निकाय माैन रहेकाे छ । 

स्थानीय सरकारकाे रुपमा रहेकाे टोखा नगरपालिका र तारकेश्वर नगरपालिकाका साथै प्रहरी प्रशासन माैन रहँदा नदीबाट बालुवा चाेरी निकासी गर्नेहरुलाई बल मिलेकाे छ । 

स्थानीय तहहरुले यसमा चासाे नदिंदा स्थानीय बासिन्दा रुष्ट छन् । 

बर्सेनि बर्खामा यसरी उत्खनन हुँदा पनि चासो नदिनुले कतै स्थानीय सरकार, प्रशासनकै मिलेमतो त छैन भन्ने शंका स्थानीयबासीले गरेका छन् । बिगतमा स्थानीय प्रहरीले गस्ती गरि निरुत्साहित गर्ने गरेकोमा हाल प्रहरी पनि भूमिकामा देखिएको छैन । 

यससम्वन्धमा टाेखा नगरपालिकाका प्रमुख प्रकाश अधिकारीसँग जिज्ञासा माग्न पटक पटक सम्पर्क गरे पनि फाेन नउठाउँदा वास्तविकता स्पष्ट हुन सकेकाे छैन ।